Այսօր Աշոցքի համայնքապետարանում տեղի ունեցավ առաջին քննարկումը՝ Աշոցք համայնքի Կոճոռ թաղամասի կառուցապատման շրջակա միջավայրի վրա ազդեցության նախնական գնահատման հայտի վերաբերյալ: <<ԷՄ ՋԻ ԴԻԶԱՅՆ>> ՍՊԸ-ի մասնագետների կողմից հանգամանալից ներկայացվեց Կոճոռ թաղամասի կառուցապատման նախագիծը:
Կոճոռ թաղամասի բնակիչներն իրենց հետաքրքրող հարցերն ուղղեցին մասնագետներին:Մասնավորապես, հարցեր հնչեցին նոր բազմաբնակարան շենքերի տեղակայման վայրի, ավտոկայանատեղիների առկայության, ջեռուցման, խաղահրապարակների անհրաժեշտության վերաբերյալ:
<<ԷՄ ՋԻ ԴԻԶԱՅՆ>> ՍՊԸ-ի մասնագետներին հարց ուղղվեց շենքերի քանակի, հարկերի և բնակարանների մասին: Պարզաբանվեց, որ կառուցվելու են եռահարկ՝ թվով 16 շենքեր՝ 3 և 4 սենյականոց բնակարաններով:
Մասնագետները բնակիչների կողմից արված առաջարկությունները կուսումնասիրեն և հաջորդ քննարկման ընթացքում կներկայացնեն արդյունքերի վերլուծություն:
Հետագա հանրային քննարկումների վերաբերյալ կիրազեկվի լրացուցիչ: