Այսօր Աշոցքի համայնքապետարանում տեղի ունեցավ Աշոցք բնակավայրի Կոճոռ թաղամասում նոր բազմաբնակարան բնակելի շենքերի կառուցման շրջակա միջավայրի վրա ազդեցության նախնական գնահատման հայտի վերաբերյալ հանրային քննարկման երկրորդ փուլը:
Քննարկմանը ներկա էին <<ԷՄ ՋԻ ԴԻԶԱՅՆ >> ՍՊԸ-ի ներկայացուցիչները, Կոճոռ թաղամասի բնակիչներ:
Քննարկման ընթացքում խոսվեց բազմաբնակարան շենքերի կառուցման ընթացքում շրջակա միջավայրի վրա հնարավոր ազդեցության ռիսկերի, դրանցից բխող հետևանքների մասին:
Բնակիչներն իրենց հուզող հարցերը բարձրացրեցին, մասնավորապես նոր կառուցվող շենքերի ջեռուցման, ավտոտնակների համար հնարավոր տարածքների տրամադրման և այլ կարևոր խնդիրների վերաբերյալ:
Բնակիչներին ցուցադրվեց նաև նոր կառուցվող բազմաբնակարան շենքերի ուրվագծային նախագիծը /նախնական տեսքը/: